མ་ཉལ་སྔོན་ཆུ་དྲོན་མོས་རྐང་བ་བཀྲུ་དགོས།

ངག་རྒྱུན་དུ“གྲུམ་ནི་རྐང་ནད་ལས་འབྱུང་ལ།ནད་ནི་རྐང་བ་ལས་སློང་བ”ཞེས་པའི་

བཤད་སྲོལ་ཡོད།མིའི་རྐང་བ་གཉིས་ཀྱི་སྟེང་སྐྱེ་ལྡན་ཕུང་པོའི་རྩ་དཀར་ནག་དང་གསང་མིག་གལ་ཆེན་ཡོད་ཕྱིར།རྐང་བ་ནི་མི་ལུས་ཀྱི་རྩ་བ་ཡིན།ཚན་རིག་གིས་ཞིབ་འཇུག་བྱས་ཏེ་རྐང་མཐིལ་གྱི་ཁྲག་རྒྱུན་འཁོར་བྱེད་ཆུང་བར་མི་ལུས་ཀྱི་སྙིང་ཁམས་གཉིས་པའང་ཟེར།ཆུ་དྲོན་མོས་རྐང་བ་བཀྲུ་བ་དང་རྐང་མཐིལ་ལ་འཕུར་མཉེད་བྱས་ན།ཁྲག་རྒྱུན་འཁོར་བར་ཕན་པ་མ་ཟད།སྐྱེ་ལྡན་ཕུང་པོའི་དབང་རྩའི་ཟགས་ཐོན་སྙོམས་སྒྲིག་བྱས་ཏེ།གྲང་ནད་སོགས་འགོག་ཐུབ་པ་དང་གཉིད་ཁུག་པར་ཕན་པས།ངལ་དུབ་སེལ་ཐུབ་པ་རེད།དེར་བརྟེན།མི་རྣམས་ཀྱིས་མཐོ་སྒང་ས་ཁུལ་དུ་དགུན་ཁའི་དུས་ཚིགས་སུ་རྐང་བའི་དྲོད་སྲུང་བར་དེ་བས་ཀྱང་དོ་སྣང་བྱེད་དགོས།