རང་སྨན་ཁང་གི་སྨན་བཅོས་རུ་ཁག་ཀེའུ་....

རང་སྨན་ཁང་གི་སྨན་བཅོས་རུ་ཁག་ཀེའུ་ཆུ་སྡེ་བར་སོང་ནས་འོས་འགན་སྨན་བཅོས་བྱས་པ།

ཟླ༡པའི་ཚེས༡༦ཉིན།མཚོ་སྔོན་རྒྱ་གྲམ་སྨན་ཁང་གི་ཧུའེ་སྨན་ཚན་ཁག་གིས་སྨན་བཅོས་མི་སྣ་རྩ་འཛུགས་བྱས་ནས་ལོ་གསར་བའི་སྔོན་ལ་གཅན་ཚ་རྫོང་གདོང་སྣ་གྲོང་རྡལ་གྱི་ཀེའུ་ཆུ་སྡེ་བར་སོང་ནས་ཞིང་པ་མང་ཚོགས་ལ་རིམ་མ་བླངས་པར་འོས་འགན་ནད་བརྟག་བྱས་ཏེ།སྨན་རྫས་དང་ཚན་རིག་ཁྱབ་གདལ་སྐོར་གྱི་དཔེ་དེབ་དང་གྱོན་ཆས་བཅས་ཞལ་འདེབས་སུ་འབུལ་བའི་བྱ་འགུལ་སྤེལ།

ཐེངས་འདིའི་འོས་འགན་ནད་བརྟག་བྱ་འགུ་ཁྲོད་བསྡོམས་པས་མི་ཐེངས༡༠༠ལ་ནད་བརྟག་བྱས་པ་དང་།རིན་ཐང་སྒོར༥༠༠༠ལྷག་ཡིན་པའི་རིམ་མེད་སྨན་རྫས་ལེགས་སྐྱེས་སུ་བྱིན་ལ།ད་དུང་བདེ་ཐང་དྲིལ་བསྒྲགས་ཡིག་ཆ་དང་གྱོན་ཆས་སོགས་བྱིན་ནས་རྒྱ་ཆེའི་མང་ཚོགས་ཀྱི་བཀའ་དྲིན་དང་བསྟོད་བསྔགས་ཐོབ།