སྨན་བཅོས་རོགས་སྐྱོབ་ཀྱི་མཁའ་ལམ་གསར་བ་སྣེ་ཁྲིད་བྱས།
ཟླ༩པའི་ཚེས༡༦ཉིན།མཚོ་སྔོན་རྒྱ་གྲམ་དམར་པོ་སྨན་ཁང་གིས་སྒོ་བསྟེན་མྱུར་བརྟག་སྣ་འདུས་ཐོག་ཁང་གསར་བའི་མདུན་ནས་རང་ཞིང་གི་ཐོག་དང་པོ་ཐད་འཕུར་གནམ་གྲུས་རྒྱང་རིང་ནམ་མཁའི་མྱུར་སྐྱོབ་ཀྱི་སྦྱོང་བརྡར་མཛད་སྒོ་སྤེལ་བ་དང་།དེས་རང་ཞིང་གི་ལོ་རྒྱུས་ཐོག་རྒྱང་རིང་ནམ་མཁའི་མྱུར་སྐྱོབ་མེད་པ་གསར་དུ་ཁ་བསྐོང་བྱས།
ཉིན་དེའི་སྔ་དྲོ་དུས་ཚོད་བཅུའི་སྟེངས་མྱུར་སྐྱོབ་སྦྱོང་བརྡར་གྱི་སྤྱིའི་བཀོད་འདོམས་པ་ཡོན་ཀྲང་གཞོན་པ་ཀུའོ་ཅིན་ལིན་གྱི་བཀོད་འདོམས་ལྟར།ལན་ཀྲུའུ་མཁའ་དམག་གིས་ཆོག་མཆན་ཐོབ་པའི་སྨན་བཅོས་རོགས་སྐྱོབ་ཀྱི་ཐད་འཕུར་གནམ་གྲུ་ཞིག་སྒོ་བསྟེན་མྱུར་བརྟག་ཐོག་ཁང་གི་གནམ་གྲུ་འབབ་ས་ནས་མཚོ་སྔོན་རྒྱ་གྲམ་དམར་པོ་སྨན་ཁང་གི་མྱུར་སྐྱོབ་ལྟེ་གནས་ཀྱི་ཆེད་ལས་རོགས་སྐྱོབ་མི་སྣ་འཁྱེར་ཏེ་མཚོ་སྔོན་རྒྱལ་སྤྱིའི་ཚོགས་འདུའི་བཤམས་སྟོན་ལྟེ་གནས་ཀྱི་ཐང་ཆེན་དུ་འཕུར་ནས་འགྲུམ་འགྲུལ་བྱུར་རྐྱེན་བྱུང་བའི་རྨས་མ་ཞིག་གནམ་གྲུར་བཞག་སྟེ་ཕྱིར་སྒོ་བསྟེན་མྱུར་བརྟག་སྣ་འདུས་ཐོག་ཁང་གསར་བའི་སྟེང་དུ་བབའ་སྟེ་རྨས་མ་མྱུར་སྐྱེལ་གྱི་ལས་འགན་བདེ་ལེགས་ངང་གྲུབ་པ་རེད།ཐེངས་འདིའི་མྱུར་སྐྱེལ་བར་ཐག་ལ་སྤྱི་ལེ༡༢ཡོད་པ་དང་།དུས་ཚོད་སྐར་མ༡༥ཡི་ནང་དུ་ཡོངས་སུ་གྲུབ་པས་རྒྱ་གྲམ་དམར་པོ་སྨན་ཁང་གི་མྱུར་སྐྱོབ་ཚོགས་པའི་ཕན་ཚུན་རོགས་འདེགས་ཀྱི་ནུས་པ་མཐོན་པ་ཡོད་པ་དེ་མངོན་པ་རེད།
ཐེངས་འདིར་སྒོ་བསྟེན་མྱུར་བརྟག་སྣ་འདུས་ཐོག་ཁང་སྟེང་ཐད་འཕུར་གནམ་གྲུས་རྒྱང་རིང་ནམ་མཁའི་མྱུར་སྐྱོབ་ཀྱི་སྦྱོང་བརྡར་མཛད་སྒོ་སྤེལ་བ་ནི་མཚོ་སྔོན་ཞིང་ཆེན་གྱི་སྨན་བཅོས་མྱུར་སྐྱོབ་ཚོགས་པས་བོད་ཁུལ་དུ༡༢༠ཐད་འཕུར་གནམ་གྲུས་མྱུར་སྐྱོབ་སྦྱོང་བརྡར་བྱེད་པ་ཐོག་དང་པོ་ཡིན་པ་དང་།དེས་རང་ཞིང་ལ་ནམ་ཁའི་མྱུར་སྐྱོབ་ཀྱི་སྒྲིག་བཀོད་མེད་པའི་སྟོང་ཆ་དེ་བསྐངས་པས་མི་ཚད།རང་ཞིང་གི་ནམ་མཁའི་མྱུར་སྐྱོབ་ཀྱི་ཟིན་ཐོ་གསར་བ་བཀོད་པ་རེད།རང་ཞིང་གིས་ཐོག་དང་པོ་ནམ་མཁའི་མྱུར་སྐྱོབ་ཀྱི་ལམ་བུ་གསར་བ་བཏོད་པ་དེའི་དམིགས་ཡུལ་ནི་མཚོ་སྔོན་ས་ཁུལ་གྱི་འབངས་མི་སེར་དང་བྱེད་སྒོ་ཆེན་པོ་འཚོགས་པར་ཞབས་ཞུ་བཟང་པོ་ཞིག་མཁོ་སྤྲོད་བྱེད་པའི་ཆེད་དུ་ཡིན་ཞིང་།མཚོ་སྔོན་ནི་ས་རྒྱ་ཆེ་བས་ཐད་འཕུར་གནམ་གྲུའི་རྒྱང་རིང་མྱུར་སྐྱོབ་ཀྱི་ལམ་བུ་གསར་བ་བཙུགས་པ་དེས་རང་ཞིང་གི་ཡུལ་སྐོར་བྱ་གཞག་བརྟན་འཇགས་འཕེལ་རྒྱས་འགྲོ་བར་སྨན་བཅོས་འགན་སྲུང་གི་མཐུན་རྐྱེན་སྒྲུབ་ཡོད་པ་རེད།
- ·རང་སྨན་ཁང་གི“5.12”རྒྱལ་སྤྱིའི་ནད་གཡོག་དུས་ཆེན་གཏོང་བ།(05.13)
- ·རང་སྨན་ཁང་གི་སྙན་ཚིག་ཀློག་འདོན་འགྲན་བསྡུར་བྱེད།(04.27)
- ·རང་སྨན་ཁང་གི་སྐྲན་ནད་འགོག་བཅོས་དྲིལ་བསྒྲགས་བྱེད།(04.27)
- ·རང་སྨན་ཁང་གི་ར་རྒྱ་གྲོང་རྡལ་སྨན་ཁང་ལ་གྲོས་མཐུན་ཡི་གེ་བཞག(04.01)
- ·རྒྱལ་སྤྱིའི་བུད་མེད་དུས་ཆེན་ལ་འཚམས་འདྲི་ཞུ་བ།(03.10)
- ·པུ་ལོན་ཏུའི་རྒྱལ་ཁབ་ལ་སྨན་བཅོས་རོགས་སྐྱོར་དུ་འགྲོ་བ།(03.10)
- ·གནམ་ལོ་གསར་ཚེས་ལ་འཚམས་འདྲི་ཞུ་བ།།(02.08)
- ·རང་སྨན་ཁང་གི་ལས་བཟོ་བ་མང་པོ་རིན་མེད་ཁྲག་འབུལ་ལ་ཞུགས།(02.08)
- ·རང་སྨན་ཁང་གི་ཡུལ་ཤུལ་ཁུལ་ལ་སྨན་བཅོས་རོགས་སྐྱོར་བྱེད།(01.19)
- ·སྨན་ལས་མི་སྣ་ཡུལ་ཤུལ་ནང་ཆེན་རྫོང་མི་དམངས་སྨན་ཁང་ཕྱིན།(01.19)