ཟླ་མཚན་དུས་ལྟར་མི་འབབ་ན་ཀ་ར་ནག་པོ་......

དམངས་ཁྲོད་དུ་ཀ་ར་དང་བཅའ་སྒའི་ཁུ་བ་འཐུང་ན་ཟླ་མཚན་དུས་ལྟར་འབབ་ཐུབ་ཅེས་བཤད་ཀྱང་དེ་ཡང་དག་པར་མི་མཐོང་ཞིང་། དེ་ལྟར་བྱེད་པས་དུས་ཚོད་འགོར་འགྱངས་འགྲོ་སྲིད། ཆ་རྐྱེན་མི་ལེགས་ཤིང་ཟས་བཅུད་འཛོམས་པོ་མེད་པའི་ལོ་ཟླའི་ནང་། ཟླ་མཚན་དུས་སུ་ཀ་ར་ནག་པོ་འཐུང་རྒྱུ་ནི་དམངས་ཁྲོད་ཀྱི་རྒྱུན་ལྡན་གྱི་བྱེད་ཐབས་ཞིག་ཡིན་ལ། དེས་ལུས་སྟོབས་གསོ་བ་ཡིན་མོད། འོན་ཀྱང་འཚོ་བའི་ཆུ་ཚད་ཡོངས་ཁྱབ་ཀྱིས་ཅུང་མཐོ་བའི་ད་ལྟའི་དུས་སུ་ཀ་ར་དང་བཅའ་སྒའི་ཁུ་བ་དེ་ལུས་སྟོབས་ཆུང་ཞིང་དབུགས་ཟུངས་ཞན་པའི་མི་ཁོ་ན་ལ་རན་བ་ལས་མེད། མིག་སྔར་བུ་སྣོད་འདུས་ནད་བྱུང་ཚད་ཇེ་མང་དུ་འགྲོ་བཞིན་ཡོད་ལ། ཟླ་མཚན་རྒྱུན་ལྡན་མིན་པའི་རྒྱུ་རྐྱེན་ཡང་སྣ་ཚོགས་པ་ཞིག་ཡོད། དེའི་ཕྱིར་རང་ཉིད་ཀྱིས་གང་འདོད་དུ་བྱེད་མི་རུང་བར་རྒྱུ་རྐྱེན་གསལ་བོ་བརྟག་སྟེ་སྨན་བཅོས་གནད་དུ་ཕྱིན་པ་བྱེད་དགོས་སོ། །